Պանդոկ Երևան

«Պանդոկ Երևան» ռեստորանների ցանցը հիմնադրվել է 2006 թվականին և «Երեմյան Փրոջեքթս» ընկերության առաջին ռեստորանային նախագիծն ու մայր բրենդն է:

Ռեստորանների տարիների պատմությունն ամփոփված և ներկայացված է ցանցի «Խորենացի», «Պարոնյան», «Ամիրյան», «Տերյան» և «Գետափին» մասնաճյուղերից յուրաքանչյուրի կոլորիտում ու աշխատանքում:

 «Մենք սիրում ենք Երևանը» ջերմ կարգախոսով «Պանդոկ Երևան»-ը ծնվել է մայրաքաղաքի հանդեպ մեծ սիրուց և այն աշխարհի ամենահյուրընկալ և գունեղ անկյուններից մեկը դարձնելու երազանքից:

«Պանդոկ Երևան»-ը գործունեության առաջին իսկ օրվանից ցայսօր երևանցիների և քաղաքի հյուրերի սիրելի վայրերից է: Իսկ հայկական ազգային խոհանոցին լավագույնս ծանոթանալու և հայկական մշակույթի շունչը զգալու համար զբոսաշրջիկները նախընտրում են հենց «Պանդոկ Երևան»-ը, որտեղ կարող են փորձել ինչպես հայկական ավանդական խոհանոցի ամենատարբերվող համերը, այնպես էլ վայելել հայկական ազգային երաժշտություն:

«Պանդոկ Երևան»-ի խոհարարների մեծ թիմի նպատակն է պահպանել և զարգացնել ազգային խոհանոցի վարպետության ավանդույթներն ու խոհարարական մշակույթը, վեր հանել մոռացված բաղադրատոմսերը, դրանք հյուրերին ներկայացնել նորովի մատուցմամբ և բարձրացնել հայկական ազգային խոհանոցի ճանաչելիությունն ամբողջ աշխարհում:

«Պանդոկ Երևանի» ճաշացանկը հագեցած է բազում ուտեստներով, որոնցում ամփոփված են հայ ժողովրդի մշակույթը՝ սիրված և դարերով մեր օրեր հասած ճաշատեսակներով կամ ուտեստներով: Ճաշացանկում ներկայացված են ինչպես հայկական նոր և հին բաղադրատոմսերով ուտեստներ, այնպես էլ կովկասյան խոհանոցի լավագույն նմուշները՝ ուրույն ձեռագրով և յուրահատուկ մոտեցումներով։

Menu

Տերյան փող․, 91

+37410 508 800 / +37496 508 800


Ամիրյան փող․, 5

+37410 545 545 / +37499 545 545


Պարոնյան փող․, 7

+37410 530 563 / +37491 530 563


Խորենացի փող․, 29/2

+37410 582 512 / +37499 550 466