«Երեմյան Փրոջեքթս»-ը Հայաստանում ռեստորանային բիզնես ոլորտի առաջատար ընկերություններից է, որի հիմնադիրն է՝ ռեստորատոր Դավիթ Երեմյանը: Ընկերությունն իր գործունեության շուրջ 17 տարիների ընթացքում ստեղծել և իրականացրել է համարձակ, յուրօրինակ և կոնցեպտուալ` տասնյակից ավելի նախագծեր, մեծ ներդրում ունեցել Հայաստանում ռեստորանային ոլորտի զարգացման գործում:
«Երեմյան Փրոջեքթս» ընկերության ամբողջ փիլիսոփայությունն ամփոփված է «Աշխատանքը սկսվում է երազանքից» կարգախոսում․ ընկերության ցանկացած նախագծի գաղափար ծնվում է արժեքավորը պահպանելու, նոր ու մնայուն արժեքներ ստեղծելու, Հայաստանն ու մեր քաղաքը գունեղ ու բազմազան ներկայացնելու երազանքից։ «Երեմյան Փրոջեքթս»-ը միավորում է երևանցիների և քաղաքի հյուրերի կողմից ամենասիրված և ճանաչված հայկական ռեստորանային կոնցեպտները՝ «Բուրգըրի Անգուս ընդ Մոր», իտալական «Կազա Նոստրա», բարձր խոհանոց ներկայացնող «Լիվինգսթոն», «Լավաշ», «Շերեփ» ռեստորանները, «Սմոքինգ Շեֆ» սթեյք-հաուզը, «Պանդոկ Երևան», «Պանդոկ Երևան գետափին»-ը, «Երևանի Շաուրմա» արագ սննդի ռեստորանների ցանցը և «Սիզընս» նախագծերը` ռեստորան, սրճարան, հրուշակարան, պաղպաղակի սրահ։
«Երեմյան Փրոջեքթս» ընկերությունը 2021թ․- ի հոկտեմբերի 17- ին ներկայացրեց կոնցեպտուալ նոր մոտեցմամբ՝ «Ռենոմե» ռեստորանը։ «Ռենոմե»-ն բացառիկ ձևաչափով ռեստորան է, որն իր հյուրերին ներկայանում է բարձր հեղինակային խոհանոցով :
«Երեմյան Փրոջեքթս»-ի տասնյակ նախագծերի ցանկում է` «Երեմյան Փրոջեքթս» Խոհարարական արվեստի և հյուրընկալության ակադեմիան։ Սկսնակների և ոլորտում գործող մասնագետների համար նախատեսված կրթական և վերապատրաստման ծրագրերը հաստատված ու վավերացված են Ակադեմիայի բացառիկ գործընկեր՝ City of Oxford College-ի կողմից:
2019 թվականից «Երեմյան Փրոջեքթս»-ը ներգրավված է Հայոց Բանակին սնունդ մատակարարելու ծրագրում, ինչն ընկերության համար հատուկ առաքելություն է և մեծ պատիվ։ Ընկերությունը 2020 թվականից մեկնարկել և իրագործում է բիզնես-զարգացման նոր ռազմավարություն՝ հիմնված «Սերմից` սեղան» հայեցակարգի վրա, ապահովելով ամբողջական փակ ցիկլ։ Այս հայեցակարգի շրջանակում էլ ընկերությունը հիմնեց Վայոց Ձորում՝ տոհմային տավարաբուծական, Տավուշի մարզում՝ խոզաբուծական ֆերմաները, Արարատի մարզում՝ կերաղացը, Երևանի «Արցախ» գործարանը, որտեղ պատրաստվում և վերամշակվում է կազմակերպության ֆերմայում արտադրված բարձրորակ կաթի, կաթնամթերքի և մսամթերքի արտադրանքը՝ «Երեմյան Փրոդաքթս» ապրանքանիշի ներքո:
Ընկերությունը պարբերաբար հանդես է գալիս համարձակ, երբեմն խենթ ու անհնարին թվացող նախաձեռնություններով ու միջոցառումներով, որոնցից յուրաքանչյուրը ծառայում է ընկերության առաքելության և նպատակների իրականացմանը: Ցանկացած նախագիծ իրականացնելիս՝ «Երեմյան Փրոջեքթս»-ի թիմն առաջնորդվում է որակյալ ծառայությունների մատուցման, բարձրակարգ սպասարկման և յուրաքանչյուր հյուրին ու հաճախորդին անհատական մոտեցման սկզբունքներով:
