Սիզնս

2021 թվականի հունիսին «Երեմյան Փրոջեքթս» ընկերության ռեստորանային նախագծերին միացան SEASONS ռեստորանային համալիրն ու M-CAFE սրճարանը։

Տարվա չորս եղանակները՝ գարունը, ամառը, աշունը և ձմեռը, ոգեշնչման հրաշալի աղբյուր են, և SEASONS-ը «Բոլոր եղանակները Ձեզ համար» (All Seasons for You) կոնցեպցիայի շրջանակում առաջարկում է ամեն եղանակին բնորոշ մոտեցումներ ու գաղափարներ՝ իր հյուրերի համար հետաքրքիր ու գրավիչ է տարվա բոլոր եղանակներին։

SEASONS համալիրը ներառում է՝

SEASONS ռեստորանը՝ բավականին հետաքրքիր և հարուստ ճաշացանկով։ Ռեստորանը որևէ կոնկրետ երկրի խոհանոցի ուղղվածություն չունի, բոլոր խոհանոցներից մեկտեղված են ամենահամեղն ու յուրահատուկը։

SEASONS-SWEETLAND հրուշակարանն ու պաղպաղակի սրահը՝ SEASONS GELATERIA-ն, որտեղ ներկայացված է «Երեմյան Փրոջեքթս» ընկերության ֆիրմային, քաղաքի ամենահամեղ հրուշակեղենը և «Yeremyan Products» բարձրակարգ կաթնամթերքից արտադրվող պաղպաղակը։

Ամենահամեղ, նրբահամ խմորեղենը և շվեյցարական կամ բելգիական արտադրության շոկոլադին ոչնչով չզիջող շոկոլադները «Երեմյան Փրոջեքթս»-ի շեֆ-հրուշակագործ Անահիտ Միքայելյանի տաղանդի, մտքի անսահման թռիչքի ու վառ երևակայության արտացոլումն են։ SEASONS SWEETLAND-ից նաև հնարավոր է պատվիրել ֆիրմային տորթերը կյանքի կարևորագույն առիթների համար, ինչպես նաև գնել և գեղեցիկ փաթեթավորմամբ տուն կամ որպես նվեր տանել։

SEASONS հրուշակարանում անուշահամ հրուշակեղենը կմատուցվի համեղ սուրճով կամ որակյալ՝ Dammann Frères թեյով՝ Ֆրանսիայում ամենախոշոր և ամենահին թեյ արտադրող ընկերությունից:

SEASONS CAFE-ն (նախկին M-CAFE-ն)՝ իտալական համեղ ու յուրահատուկ խոհանոցով բացօթյա սրճարան է, որտեղ կարելի է համտեսել «Երեմյան Փրոջեքթս»-ի շեֆերի կողմից պատրաստվող իտալական ուտեստները․ տարատեսակ պիցցաներն ու պաստաները։ Սրճարանային հատվածում լինելու է նաև հետաքրքիր բար՝ հատուկ կոկտեյլներով, և երեկոյան հաճելի լաունջ երաժշտություն։

SEASONS PARK-ը նույնպես գործելու է «Երեմյան Փրոջեքթս» ընկերության կառավարման ներքո։ Կանաչապատված, գերժամանակակից միջազգային լավագույն տեխնոլոգիաներով աշխատող շատրվաններով այգին ընտանեկան քաղաքային ժամանցի լավագույն վայր է տարվա բոլոր եղանակներին։ Երևանին աշխույժ ու կենսախինդ մթնոլորտ ու շունչ հաղորդելու նպատակով քաղաքի բնակիչների և հյուրերի համար այգում հետաքրքիր ու բազմազան միջոցառումներ են կազմակերպվում՝ շատրվաններն իրենց լուսագունային և լազերային շոուներով, երեկոյան երաժշտական ծրագրեր։

Menu

Մաշտոցի պող․, 15/5

+37443 709 070