2021 թվականի մայիսից Մաշտոց 15/5 հասցեում գտնվող Seasons ռեստորանային համալիրն ու կից այգին անցան «Երեմյան Փրոջեքթս» ընկերության կառավարման ներքո։ Այգին կոչվեց Seasons։ Ընկերությունը պահպանել է այգու ու քաղաքի ճարտարապետական դիմագիծը, բարեկարգել, զբաղվում է կանաչ տարածքների և ընդհանուր այգու խնամքով ու մաքրությամբ, իրականացնում տարատեսակ մշակութային և ժամանցի ծրագրեր։ Ամբողջ համալիրը գործում է «Բոլոր եղանակները ձեզ համար» կարգախոսին համապատասխան։ «Երեմյան Փրոջեքթսը» ամբողջ տարվա ընթացքում բոլոր եղանակներին բնորոշ միջոցառումներ և նախագծեր է իրականացնում այգում։ Ամռանը գործում են ժամանակակից, միջազգային լավագույն տեխնոլոգիաներով հագեցած շատրվանները՝ իրենց լազերային, լուսաձայնային շոուներով, անցկացվում են բազմազան միջոցառումներ և երաժշտական երեկոներ։

Սիզընս այգին «Երեմյան Փրոջեքթս» ընկերության ընկերության նվերն է Երևանին, երևանցիներին և քաղաքի հյուրերին։ Այգին դարձել է քաղաքի ամենասիրելի և ամենաընտանեկան վայրերից մեկը, որտեղ իրականացվող հանրային մեծածավալ միջոցառումները, նախաձեռնություններն ու սոցիալական պատասխանատվության ծրագրերը սպասված և սիրված են բոլորի կողմից։

Ձմռան ամիսներն ու տոները ևս հետաքրքիր դարձնելու նպատակով 2021 թվականի դեկտեմբերին «Երեմյան Փրոջեքթսը» Seasons այգում մեկնարկեց Seasons Park Station նախագիծը՝ նման ձևաչափով առաջին ձմեռային այգին Հայաստանում։