«Երեմյան Փրոջեքթս»-ը և ՄԱԿ-ի Պարենի համաշխարհային ծրագիրը համագործակցում են «Կաթ դպրոցներում» նախաձեռնության շրջանակում:
Ջերմուկի Գորկու անվան թիվ 1 և Եղեգնաձորի թիվ 1 դպրոցների 5-8-րդ դասարանների մոտ 350 աշակերտ տարվա ընթացքում առավոտյան ստանում են մեկ բաժակ կաթ՝ օրն ավելի առողջ սկսելու համար։
«Երեմյան Փրոջեքթս» ընկերության գլխավոր տնօրեն Դավիթ Երեմյանի խոսքով՝ մեր կազմակերպությունը նախաձեռնության հետ կիսում է նույն տեսլականը՝ Հայաստանում երեխաների և մեծահասակների շրջանում ձևավորել ամեն օր կաթի և կաթնամթերքի օգտագործման նոր մշակույթը։
ՄԱԿ-ի ՊՀԾ-ի հայաստանյան գրասենյակի տնօրենի պաշտոնակատար Նաննա Սկաուն նշեց, որ «Պարենի համաշխարհային ծրագիրը» գնահատում է այս կարևոր գործընկերությունը «Երեմյան Փրոջեքթսի» հետ՝ ուղղված Հայաստանում սննդի և վարքագծի փոփոխության հիմնախնդիրներին և շեշտեց «Երեմյան Փորջեքթս»-ի որդեգրած «Սերմից՝ սեղան» հայեցակարգը ՊՀԾ ազգային պարենային ապահովության ռազմավարության առաջնային բաղադրիչներից մեկն է։
Կաթը դպրոցներում նախաձեռնությունը ուղեկցվում է «Կաթը սեր է, ուժ և առողջություն» կարգախոսով:
