Սիզընս Պարկ Սթեյշնը երրորդ տարին անընդմեջ մայրաքաղաքի սրտում գործող ձմեռային թեմատիկ այգի է։ Ամանորին ընդառաջ «Երեմյան Փրոջեքթս»-ի նախաձեռնությամբ մեկ ամիս տևող ձմեռային այգու մեկնարկը տրվում է դեկտեմբերի 1-ից, ստեղծելով ժամանցի համար լավագույն պայմանները, տարատեսակ տաղավարներով, տրամադրող երաժշտությամբ և ամանորյա անկրկնելի մթնոլորտով։
Սիզընս Պարկ Սթեյշնի 22 տաղավարներում բնակիչները և քաղաքի հյուրերը կգտնեն հետաքրքիր զբաղմունքների անկյուններ, ինչպես նաև կկատարեն գնումներ հայտնի հայկական բրենդների տաղավարներից, կհամտեսեն սննդի, քաղցրավենիքի, խմիչքների տաղավարներում ներկայացված բազմազան համեղ արտադրանքը:
Տարեմուտին ցանկանում ենք սեր, ջերմություն ու հոգատարություն փոխանցել՝ հուսալով, որ 2024-ը կիրականացնի բոլորիս երազանքներն ու խաղաղություն կբերի։
