Սիզընս Սվիթլենդը եվրոպական խոհանոցի հարուստ ճաշացանկով, նրբագեղ ինտերիերով և բարձրակարգ սպասարկման ավանդույթներով ռեստորան է։ Այն հայտնի է իր բազմազան նախաճաշերով, որոնք մատուցվում են ամեն օր՝ առավոտյան 08։30-ից սկսած։ Գտնվելով քաղաքի կենտրոնում՝ Մաշտոցի 15/5 հասցեում, և ունենալով ամբողջապես թափանցիկ ապակյա դիզայներական լուծումներ՝ այն սրտաբաց և ջերմ է դիմավորում իր բոլոր հյուրերին։ Ռեստորանն իդեալական է և՛ նախաճաշի, և՛ լանչի, և՛ ընթրիքի համար՝ համախմբելով ընկերներին, գործընկերներին, սիրելի մարդկանց։
Սիզընս Սվիթլենդում գործում է իր տեսակի մեջ եզակի հրուշակարան և բնական, բարձրակագ պաղպաղակի սրահ։ Սվիթլենդի պաղպաղակի հիմքը Երեմյան անարատ կաթն է, բարձրակարգ շոկոլադը, բացառապես բնական հատապտուղներն ու հատընտիր մրգերը։ Այստեղ շեֆ հրուշակագործի տաղանդի և արհեստավարժ անձնակազմի կողմից ստեղծվում են հրուշակագործության իրական գլուխգործոցներ՝ տորթեր, թխվածքներ, քուքիներ, ձեռագործ շոկոլադներ, բոնբոններ, տրյուֆելներ և մակարոններ։
Հրուշակեղենն այստեղ վաճառվում է հատուկ փաթեթավորմամբ։ Կյանքի տարբեր առիթների ու հանդիսավոր իրադարձությունների համար դրանք լավագույն նվերի տարբերակն են, երջանկություն ու ժպիտ պարգևող քաղցրահամ հրաշքներ։
Եվրոպական համեղ խոհանոցը, բարձրակարգ սպասարկումն ու հեքիաթային հրուշակարանը Սիզընս Սվիթլենդը դարձնում են քաղաքի ամենասիրելի և հայտնի վայրերից մեկը։
Մաշտոցի պող․, 15/5
+374 (12) 999990 / +374 (43) 907090