Երեմյան ընկերությունների խումբն իր գյուղատնտեսական նախագծերի շրջանակներում իրականացնում է գյուղատնտեսական սարքավորումների, տեխնիկայի, կերաբաշխիչ և կերախառնիչ մեքենաների, կերային հավելումների և սիլոսացման խմորիչների, խոզերի տոհմանյութի, մայրացու խոզերի և տոհմային հղի երինջների վաճառք։

GEA կթի սարքավորումներ

Երեմյան ընկերությունների խումբը, հանդիսանալով կթի համակարգեր արտադրող աշխարհահռչակ գերմանական GEA ապրանքանիշի պաշտոնական ներկայացուցիչը Հայաստանում և ունենալով սեփական ֆերմայում տվյալ համակարգերի օգտագործման մեծ փորձ, ֆերմերային տնտեսություններին է առաջարկում յուրաքանչյուրի հզորությանը համապատասխան կթի ստացիոնար համակարգերի, ինչպես նաև դրանց պահեստամասերի, օժանդակ նյութերի լայն տեսականի, անհատական առաջարկներ և մոտեցումներ։

SILOKING կերաբաշխիչ և կերախառնիչ

Կերաբաշխիչ և կերախառնիչ այս համակարգերը հնարավորություն են տալիս ստանալ կերի բաղադրիչների համասեռ խառնում և ճշգրիտ բաշխում` գործառնական հուսալիության բարձրացմամբ: Ֆերմերային տնտեսությունները կարող են ձեռք բերել SILOKING պարզ և ստանդարտ մոդելներից մինչև խելացի կառավարմամբ բարձր արդյունավետությամբ մոդելներ (4.0 սերիա), որոնք առաջնահերթություն են տալիս առավելագույն արդյունավետությանը, արտադրողականությանը և տնտեսելուն:

Կերային հավելումների և սիլոսացման խմորիչներ

Շաուման ապրանքանիշի պրեմիքսները, նախատեսված կենդանիների տարբեր տարիքային խմբերի՝ հորթերից մինչև կթու կովերի համար, հարուստ են միկրոտարրերով, վիտամիններով և էներգետիկ բաղադրիչներով, որոնք օգնում են ամրապնդել իմունային համակարգը, բարելավել ախորժակը, մեծ ազդեցություն ունենալ կենդանիների մթերատվության արդյունավետության վրա։

Սիլոսացման խմորիչներն օգտագործվում են սիլոսի և սենաժի պատրաստման, կերախառնուրդի արդյունավետության բարձրացման և երկարաժամկետ պահպանման համար։ Կենսաբանական կոնսերվանտները հիմնված են հոմոֆերմենտացնող կաթնաթթվային բակտերիաների վրա և օպտիմալացնում են սիլոսոսացման պրոցեսը։

Հոմոֆերմենտացնող կաթնաթթվային բակտերիաների շտամների համակցությունն ածխաջրերի օգտագրծման արդյունքում ապահովվում է pH-ի մակարդակի արագ անկում սկզբնական փուլում։ 

Մեկ շշի տարողությունը 100 գրամ է և նախատեսված է 50 տոննա սիլոսացման մասսայի համար։

Հոլշտեյն ցեղատեսակի տոհմային հղի երինջներ

Անասնաբուծության հաջող գործունեության և արդյունավետության համար մեծ նշանակություն ունի ցեղի ընտրությունը՝ գենետիկան։ Տավարաբուծության կաթնային ուղղության արդյունավետության առումով ամենաբարձր ցուցանիշներով է հանդես գալիս հոլշտեյն ցեղատեսակը, որն ամենաբարձր կաթնային մթերատու ցեղն է աշխարհում: Մեր ֆերմայում բուծվում և վաճառվում են տոհմային հոլշտեյն ցեղատեսակի հղի երինջներ, որոնք հայտնի են իրենց բարձր կաթնատվությամբ և բացառիկ գենետիկայով։

Կենդանիները վաճառքի պահին 4-5 ամասական հղի վիճակում են՝ ունենալով իրենց տոհմային կարգավիճակի անձնագիր։